Pengerami Sembiang anak Jed Maling

Kuching
Saturday, 22nd Oct 2011

Nyadi ari Enam, 22nd Oct 2011 tu tadi bisi rami sembianag anak Jed Maling. Lalu tu anak ia ti tuai pia mega anak ia ti keterubah. Nyadi baka Jed seduai bini iatu udah ngerami nikah kena 1 Jan 2011 tu tadi lalu pengawanya bisi mega ditusi aku DITU.

Lalu baka pengawa tu berengkah kena pukul 12:00 tengah hari. Lalu leboh kami sebilik datai, dia bala baru berengkah makai. Nadai sempat betabi enggau bala bukai, dia diri tak lalu terus makai. Maioh mega bala GAEM ti bisi datai, taja enda sampal.

Lalu pia mega maioh pengawa dikereja baka sarinya. lalu baka kami menyanak pulai ari rumah Jed di Jalai Kedandi Tabuan kena lebih kurang pukul 8.00 malam.

Lalu awak ke bisi dipeda bala ti bisi datai maianya, di baroh tu bisi gambar ti bisi diambi maianya.

Jed Maling Junior

Boy, Welcome to the Father Club. Congratulations

The Singing Padre

KA NEMU MAIOH AGI BACA SELEBIH IYA »

Pengawa Nerima Tolong Lampu Solar Nokero

Kuching
Friday, 7th Oct 2011

Kampong Empaling, Ari Enam, 1 Oktober 2011

Nyadi baka seharitu bisi ngambat bala ari Kuching ti bisi deka nganjong Lampu Solar ke dikumbai Nokero ( tauka ari jako pandak No Kerosene ). Nyadi baka pengawa tolong tu diberi siko businessman ari Kuching ke dikumbai sida Mr Chin, as part of Corporate Social Responsibility (CSR) ianya cara orang ke kira udah maju dalam business meri ngagai rakyat (tauka giving back to the society).

Lalu baka pengawa sarinya bakatu. Aku ngambat penatai sida tiga ti diulu ke oleh Kapt (B) Meran ba Sungai Tenggang lebih kurang pukul 9.30 pagi (taja aku nyangka sida deka datai jam 11 pagi di Sungai Tenggang). Arinya aku terus mai sida ngagai Empaling. datai din sida lalau disambut TR Ngulu serta komiti iya, ianya Kamil Dugas. Datai di Empaling sida lalu terus nyua ke bup baca anembiak lalu ditangkan ke nyerah ke Nokero, secara simbolik ngagai TR Ngulu. Udah abis nya lalu ditangkan ke demo bakani cara ngena Nokero ngagai bala ti bisi datai. Udah abis demo bala temuaipan lalu dibai ngirup ke bilik. Maioh amai mega utai digaga bala TR kelebih agi bala indu ti diulu ke bini ia ianya Puan Merie.
Udah ambis ngirup dia bala sida tiga lalu berangkat pulai ke Kuching, mainya jam lebih kurang pukul 1125 pagi.
Kira lebih kurang jam 1245 dia aku nerima kangau telefon ari kapt Meran lalu madah ke kereta sida lap (lekat). Hairan ga laban ia ke detemu aku jalai nang sigi manah lalu enda patut lap. Udahnya aku lalu ngejong lalu deka mantu sida. tang nyau deka datai ba jalai besai lalu enda tetemu ke sida, lalu dipelaba ke sida udah lepas ari lap dia bala ke mantu sida lalu mulai ke diri ngagai Empaling baru. Bala sebuat lalu sambung ke pengawa baru.
Lebih kurang jam 2,00 petang laban ke enda nyamai ati dia aku lalu telefon Kapt Meran baru, lalu ia madah ke diri agi lekat...Bah...mesti bisi utai nadai betul nyadi. Udahnya aku enggau Kamil serta siko agi bala lalu ngejong sida baru. Sekali tu uji ngiga ngagai Simpang kanan udah lepas rumah Bilis Muring. Laban ke nadai tetemu ke sida dia aku lalu telefon kap Meran baru. Ari jako tanya dia Kapt Meran madah sida bisi mansa tower sebelah kiba jalai. Arinya aku dah agak sida tu udah tesat jalai.....tuju ngagai jalai menua orang Isu.
Lalu pandak ke cerita, sida tiga tu tadi tesat lalu nyau ka datai ba menua Sapak Pantu. Udah kena tarit kereta ti bisi mansa, lalu sida ngejang ke Empaling lebih kurang jam 4 lemai.
Ngagai sida tiga, ngari ke orang Empaling meri besai terima kasih ke bantu kita serta pasal kita ke tesat arap ke kita anang jera ngagai menua Empaling. Lalu ngagai bala GAEM ke bukai enti bisi nemu businessman, arap ke oleh minta bantu sida, baka pengawa aku ke mai Nokero ke menua kitai. Lalu nyau ka enda ingat, lalu baka Nokore tu, dipelaba ke siti sepintu beri orang.

Nya aja. Di baroh tu deka bekongsi ke gambar ti ditangkap maianya.

KA NEMU MAIOH AGI BACA SELEBIH IYA »

Pengerami Betunang anak Santok Seduai Rami Kena 3 Sep 2011 Di Taman Malihah Kuching

Kuching, Sarawak
Saturday, 3rd Sep 2011

Nyadi baka ke sekali tu aku deka bekongsi ke sekeda gambar ti bisi di ambi maia pengawa betunang anak Santok seduai Rami ti benama Rosita Santok.
Lalu pengawa tu diintu maia hari enam iainya kena ke 3 haribulan Sembilan 2011 di rumah Santok empu di No 139A, Taman Malihah, Lorong 6E, Matang.
Nyadi pengawa ti betunang tu nya antara Rosita Santok MC (Master of Ceremony) malamnya ianya Gree, lalu baka Rosita Santok tu kereja nyadi cikgu lalu tunang ia Kapten William Sulau nya pegawai sedadu tio bepengkalan dio Gemas Negeri Sembilan ari Kor Artillery.
Lalu baka malamnya umbas iya mega bala ti bisi datai tang ari bala GAEM empu maioh ga nadai mansut ke mua baka Empina, Lital, Suel , Serani enggau maioh mega bala ti enda oleh sebut ditu.
Pia mega malamnya bisi band ti bemain. Tang ke diri empu enggau sebilik laban ti agi bedau tyentu nyamai isi lalu pulai tumu ianya lebih kurang jam 1115 malam.
Awak ke bisi dipeda bala GAEM ti nadai datai maianya, dibarohtu bisi sekeda gambar ti sempat diambi aku.
Nya Aja.

KA NEMU MAIOH AGI BACA SELEBIH IYA »